Протези

Денес, луѓето од скоро сите возрасти имаат потреба и корист од протезите. Протезите не само што го подобруваат изгледот на забите кои се искривени или преклопени, туку можат да го подобрат и неправилниот загриз и да ја корегираат позицијата на вилицата и нарушувањата кај виличните зглобови.

Протези се носат за да извршат притисок врз забите и да ги постават во правилна положба. Обично се носат неколку месеци, а и подолго за посериозни случаи.
За да ставите протези, вашиот стоматолог или ортодонт става брекети направени од метал, керамика или пластика. Потоа, се поставуваат жици низ брекетите, кои ги поместуваат забите во нивните правилни положби. Можат да се постават и лингвални брекети на задниот дел на забите, коишто не се гледаат.

Откако ќе се стават протезите, при секоја посета на стоматологот жиците се затегнуваат, после што ќе чувствувате мала непријатност следните неколку дена. Исто така, редовната орална хигиена е особено важна додека носите протези.

Ризиците при носењето протези се минимални. Но, луѓето со алергија на метал или латекс, или оние кои имаат парадентозно заболување се изложени на поголем ризик за можни проблеми за време на третманот. Скратувањето на коренот може да биде исто така проблем ако забите премногу брзо ја променат својата положба.

Алтернатива за корекција на помали проблеми со растојание меѓу забите е носење серија на проѕирни по мерка направени алајнери (исправувачи) или невидливи протези. Вашиот стоматолог ќе ги преобликува и ќе ги замени на секои две недели за постепено поместување на забите во правилната положба. За разлика од традиционалните протези, алајнерите можат да се отстранат при јадење, миење на забите и чистење со забен конец.

Честопати, постојат две фази на третманот со протези: носење на протези, а потоа користење на ретејнер за да се задржат забите во нивната нова позиција. Ретејнерите можат да бидат мобилни или трајни, поставени зад забите.

Видови протези:

1. Метални протези / Традиционални протези
Овој термин се користи за металните брекети и жици коишто повеќето луѓе ги замислуваат кога ќе го слушнат зборот „протези“. Сепак, модерните протези се помали и помалку забележливи од озлогласените протези коишто се носеа во минатото и коишто пациентот понекогаш го соочуваа со непријатни и навредливи прекари. Згора на тоа, новите жици за лак со активирање на топлина ја користат топлината на телото за да им помогнат на забите да се поместат побрзо и побезболно отколку во минатото.

2. Керамички протези
Керамичките протези се со иста големина и форма како металните, со таа разлика што имаат брекети во боја како забите или проѕирни брекети коишто не се разликуваат од забите. Некои дури користат и жици во боја на забите за да бидат уште помалку забележливи.

3. Лингвални протези
Лингвалните протези се исти како традиционалните метални протези, со таа разлика што држачите и жиците се поставуваат на внатрешноста на забите.