Испукани усни- како да се справите со нив?

 

Можеби со настапување на зимската сезона голем дел од вас се соочуваат со непријатно чувство на испукани и суви усни. Едно од најмасовните заболувања на усните е Cheilitis simplex.Image result for lips cracked

Хеилитот може да ги зафати усните, кожата околу нив, усните агли како и вермилионот. Усните се дел од усната празнина и играат улога како преграда преку која се контролира приемот и екскрецијата на различни хранливи материи и течности. Од внатрешната страна усните се покриени со лигавица која е изградена од многуслоен плочест некератинизирачки епител. Во неа се наоѓаат мали плункови жлезди кои можат да се напипаат. Кожата преминува во лигавица по работ на усните. Лигавицата е богато снабдена со крвни садови поради што има и црвеникава боја. Редица болести на крвта и крвоснабдувањето може да ја променат бојата на лигавицата што има важно дијагностичко значење.

Обичниот хеилит може да ги засегне двете усни кога карактеристичните симптоми се напукнување,набраздување и одлуштување на кожата на усните. Може да се појави и оток на усните,еритем (црвенило), формирање на були и папули (топчести формации), крусти и сквами (лупење на усните)-(во понапредната фаза на воспалението)                    

Причините кои можат да доведат до тие симптоми се:

механички: гризење на усните,цицањето,оближувањето на усните т.е. штетните навики

термичките промени исто така може да имаат влијание како што е на пример прекумерната изложеност на сонце,ниските температури,студен ветер,конзумирањето на премногу ладни или премногу топли напитоци и храна.

Нормално усните имаат многу тенок слој кој ги држи постојано хидрирани. Подложувањето на штетните навики ја намалува функцијата на тој тенок слој и крајно доведува до сувост и дискомфорт на усните. Некои деца имаат навика да ја цицаат горната усна што има значење како за развивањето на кариес во раното детство така и за саливацијата на усната празнина и состојбата на усните. Кај таквите деца често се забележуваат многубројни кариозни лезии, зацрвенети, суви и испукани усни, како и ксеростомија (сува уста).

Во основа на третманот стои отстранувањето на причината за појава на заболувањето – отстранување на лошите навики,контролиран внес на ладни и топли напитоци како и контрола на трауматизирањето на усните од грицкањето. Кај ваквите воспаленија се препорачува употреба на хидрирачки,обогатени со масла козметички средства. Во почетокот терапијата може да започне со апликација на вазелин или ланолин на усните, како и локална апликација на слаби нестероидни средства против воспаление или слаби кортикостероидни масти. Кај понапредни форми може да се аплицираат и фотопротектори,силни кортикостероидни препарати и препарати од групата на антихистаминици, секако во консултација со вашиот лекар или стоматолог.

Пишува:

Др.Кирил Мандулоски

EverStick- нова надеж по губењето на преден заб

Недостатокот на некој заб, особено доколку се работи за заб во фронталната регија најчесто е непријатно и трауматско искуство за секоја индивидуа. Имено по вадење на заб неопходно е да поминат и до 3 месеци пред да се направи дефинитивна мостова конструкција или пак да се постави импlant, односно до комплетно заздравување на непцето и коската. Continue reading “EverStick- нова надеж по губењето на преден заб”

Имате осетливи заби? Обрнете внимание, во зима може да стане полошо!

 

Секоја наредна година исто, опаѓање на температурите, скратување на денот и наговестување за најстудениот период во годината. Со надоаѓањето на зимата секој однас има по некој ритуал со кој се подготвува за пречек на овој романтичен, но и многу студен зимски период. Како и да е еден неизбежен сегмент од вашите подготовки нека биде и посета на вашиот стоматолог, особено доколку сте прескокнале некои од регуларните термини за чистење и контрола на вашите заби,еве и зошто. Continue reading “Имате осетливи заби? Обрнете внимание, во зима може да стане полошо!”

ПОЧУВСТВУВАЈТЕ ЈА МАГИЈАТА НА ЕСТЕТСКАТА СТОМАТОЛОГИЈА

Очите се можеби огледало на душата, но насмевката е всушност она првото што луѓето го забележуваат на вас и се огледало на вашата личност. Судејќи по здравјето на ваште заби многумина ќе го изградат првиот впечаток за вас. Моќта на насмевката е голема и не смеете да ја подцените нејзината важност. Убавата насмевка ќе направи да бидете попријатни, попријателски расположени и посамоуверени. Continue reading “ПОЧУВСТВУВАЈТЕ ЈА МАГИЈАТА НА ЕСТЕТСКАТА СТОМАТОЛОГИЈА”

Мали кариеси, големи проблеми

Сигурно ви се случило да ги погледнете своите заби во огледало и да забележите кафеави линии по површината кои ве загрижиле и ве потсетиле дека можеби е време за контрола кај вашиот стоматолог. Притоа вашиот стоматолог по прегледот утврдува дека тоа е комплетно здрав заб само лесно пребоен од пигменти кои секојдневно ги внесуваме со храната. Секојдневната пракса покажува дека без соодветна апаратура за испитување на веројатноста дека овие потемни места може всушност да бидат кариес, повеќето стоматолози секако би ги сведиле овие пребоени ареи на дамки кои не даваат никакви други симптоми и ризици. Continue reading “Мали кариеси, големи проблеми”